Connect the Different Connector

Motherboard ko casing key andar nasb karney key baad issey current dainey ka marhala aata hai. Casing key andar aik power supply lagi hoti hai jiss main sey kaafi taa-rain (wire) nikali ga-e hoti hain jiss ki madad sey system unit key mukhtalif hiso ko current diya jata hai. Iss main sey jo connector motherboard par lagta hai wo dosron sey kaafi mukhtalif hai kyun key iss connector key sath sub sey ziada taa-rain (wire) hoti hain. Connector ko ghoor sey daikhain gey to aap aa-sani sey pata chala lain gey key issey motherboard par kahan aur kiss tarha lagana hai.

Ye kabhi galat rukh sey lag hi nahi sakta kyun key is ki sakht he aisi hai key durust simt main he lagaya jasakey gaa. ATX casing main power supply sey nikalney waley connector aur motherboard dono par mush-tarka toor par aik lock sa bana hota hai. Jub connector ko motherboard par lagaya jata hai to ye mazboti sey lock hojata hai.
Casing key front panel sey bhe muktalif taa-rain (wire) nikali ga-e hotin hai jo key motherboard par lagaye jati hain. Inn main power on off button ki cable hai. Iss key ilawa sleep button, Infrared, hard disc LED, re set swich aur speaker ki taa-rain (wire) hoti hain. Front panel par muchk-talif lights key zarye pata chalta hai key system main power aa-ga-e hai..? wagheera. Inn lights ki taa-rain (wire) inhi main shamil hain. Iss key ilawa in main iss button ki taar bhe hai jiss sey power on off ki jati hai aur system ko zarorat parney par restart bhe kya jata hai.

Ye tamam taa-rain (wire) lagana bohut aasan hai. Har tar key aagay baney connector ko motherboard par laganey key liye aap ko tamam alamtain bta-rahe hain taa-key inhain laganey main aap ko koi dushwari paish naa aaye. Aik to har connector key upper barik alfaz main likha hota hai key ye kiss cheez ka connector hai. Dosrey myaari motherboard par jahaan ye connector lagaye jatey hain wahan har cheez ki wazahat ki gaye hoti hai.Motherboard key upper inn connector ko laganey key liye pins bani hoti hain aur in key sath baarik alfaaz main print kiya gaya hota hai key kon si pins par kon sa connector lagana hai. Humarey iss motherboard main aaisa he hai. Taa-hum agar aap koi aisa motherboard jiss key upper in key barey main print nahi kya gaya to bhi koi baat nahi. Kyun key ab takkoi aisa motherboard nahi aaya jiss key sath letrature naa ho. Motherboard key sath aaney waley kitabchaa main laazmi toor par diagram bana diye gaye hotey hain jin par tamam cheezon ki wazahat ki ga-ei hoti hai. Agar aap key motherboard par bhi in cheezon key naam print nahi hain to iss key sath aaney waley kitabchey sey madad ley kar pata chala lain key kon si pins par kon sa conector lagna hai.

Hum shayed pehley bhi bata chukey hain key jub aap hardwear kharidain to tamam cheezon key sath aaney waley letrature ya kitabchey zaroor hasil karain. Iss key ilawa aj kal taqreeban har cheez key driver bhi sath aatey hain. Apney dokandar sey tamam driver bhi talab karain. Inn cheezon ko sambhal kar rakhdain kyun key kayee jagho par inn ki zarorat paish aaskti hai. Motherboard key front penal sey tamam connector matluba jagho par laga kar ache tarha itminaan kar lain.

Floppy Drive

Floppy drive computer ka lazmi hisaa tasaver hota hai. Lekin ab kuch arsaa sey inn ki ehamyat kam ho-rahe hai. Iss sey shoruu main aam toor par data aik jagha sey dosri jagha muntaqeel karney ka kam lya ja ta ha lekin ab inn sey data muntaqeel karma bhi mumkin nahi hai kun key aj ki multimedia dunya main agar kisi picture ko aik jagha sey dosri jagha copy karna chahain gey to picture ki aik file key lye hosakta hai darjan bhar Floppy’s ki zarorat parey . Aik standardfloppy disk ki isstadad 1.44 mega byte hoti hai. Jo key size main 3.5 inch hoti hai. Iss sey pehley 5025 inch ki floppy’s hoti rahi hain jinn ki isstadad 1.2 mega byte hoti thee. Inn key liye jo driver isstamal hoti thee iss ka size bhi bara hota thaa jitna size aaj kal CD room driver ka hai taqreeban itna size hota tha.

Floppy ka dosra maqsad jis ney aaj tak ussey bacha-ye rakha thaa wo ye key iss sey system disk ya jisey huroof aam main boot able disk kehtain hain banaye jati thee. Iss key zarye system main kisi kharabi ki surat main computer ko boot karney ka kam liya jata thaa. Lekin naye operating system aaney sey ye kam bhi khatam hogaya windows millennium addition aur windows 2000 main sey dos ko mu-kam-mal toor par kharej kar dya gaya hai. Ab inn dono operating systems main dos mod nahe hai. Agarcha iss maincommand permot hai aur issey excess main shamil kya gaya hai es ki madad sey dos environment main chalney waley program chalaye ja saktey hain lekin chand dos program aisey hain jo mohiz command permot key zarye nahe chaltay. Inn key lye dos mod main jana zarori hota hai. Aisey programs ki mu-kam-mal toor par chuti hogaye hai. Chun-key inn operating systems main dos key tamam function nikaal diye gaye hain iss liye computer ki dunya main aaney waloon key lye dos ki commands yaad kar-na zarori nahi hai. Iss cheez ko sakht tanqeed ka nishana banya gaya hai kyun key ab tak aisey programs ki aik bari tadad mojood hai jin key liye dos mod zarori hai. Inn programs main dosri kamzori ye hai key aap boot able disk nahi bana saktey. Windows Me main standard boot able floppy isstamal na karsakney ki waja ya hai key remover hojaney wali devices key lye SYS command ko na-qa-bil-e-amal bana diya gaya hai. Ab system files sirf hard disk par transfer ki jasakti hain. Windows 2000 main boot able disk ka sirey sey koe tasaver he nahi hai.

Inn cheezon ko dikhtey hoye kaha ja-sakta hai key mustaqbil key computer floppy drive sey bey nyaaz hon gey. Iss key mutabadil key toor par zip drives isstamal ki jaskti hain jis key media ka size bhi 3.5 inch hota hai lekin ye floppy sey taqreeban soo guna ziada isstadad ki hamil hoti hai. Maazi main jo kaam floppy sey lya jata thaa ab wahi kaam zip sey lya jasakey gaa. Floppy drives key mukamal toor par khatma ki aik aur waja ye bhi hai key pehley Software inn key upper distribute keye jatain thain iss key liye aaj CD room isstamal hoti hai jo zip drive sey bhi 6,7 gunaa ziada istadad ki hamil hoti hai. Aik myaari 3.5 flopy drive hai.

CD-ROM Drive

CD rom drives aaj ki zarorat hain. Iss ko aik PC ka lazmi hisa tasaver kya jata hai. Iss ki waja ye hai key aaj kal tamam software CD par aa-rahey hain. Iss key elaawa musicsuney aur movies daikhney key lye bhi yahi media isstamal horaha hai. Aik CD 650 mega byte isstadad ki hamil hoti hai. CD key sath rom yaani red only memory key alfaz lagaye jaatey hain. Lekin astal-han ye baat ghalat hogayee hai kyun key CD writer bhi aam mil jatey hain aur aisa media yaani CDS disk bhi aisi hain jin par hard disk ya floppy disk ki taraha bar bar data likha aur mitaya jaskta hai. Inn ki iss khoobi ki badolat inn ki badolat inn ki maqbooliyat main bohut ziada izafa hoa hai. Aam disks yaani hard disk aur floppy disk key bar-aks jin main aik electromagnetic red / write head isstamal hota thaa CD key liye laser technology

Sound Card

Sound card ka taluq zahir si baat hai Soundkey saath hai. Agar kisi PC key zarye sound files play karma hoto iss main sound card lagana zaroori hota hai. sound card key baghair sound play nahi hota. Baaz motherboard aisey hain jin main sound Built-in hota hai yaani board key upper he sound card bhi laga hota hai aur alag sey inn main sound card laganey ki zarorat nahi hoti. Lekin jin motherboard par sound card Built-in nahi hota inn main sound card lagana zarori hota hai. sound card ka kaam digital signals ko sound views main tabdeel kar key normal speacker sey sunana hai. Sound recording key liye bhi sound card hi use hota hai.

Fax Modem Card

Internet aaj ka maqbool tareen media hai. Information technology ki aslaah aaj children’s ki zubaan par hai. Huraf ‘E’ iss keyliye makhsus hogaya hai. E-mail, E-commerce, E- banking, internet shoping jaisey kaam shoro hochukey hain. Internet sey connect honey key liye PC key under aik fax modem card jesey baaz awoqat sirf modem he kaha jata hai nehayat zarori hai. Modem ka kaam A-D ya D-A hota hai yaani ye Analog signal ko digital code aur digital code ko analog signals main tabdil karta hai. Modem ka rabta internet ki dunya sey phoneline key zarye hota hai. Ye computer data ko telephone lines key zarye dunya key kisi bhi Country bheja jaskta hai aur data wasool bhi karskta hai. Agar aap internet isstamal karma chahtey hain to aap key liye modem zarori hoga.Baaz motherboards aesey hain jinn par built-in modem nahi hota inn main alag sey modem lagana parta hai. Modem do tarha key hain. Aik external jo key system unit key under he board par lagaye jatey hain yaani inn ko laganey key lye ISA ya PCI Slit isstamal hoti hain aur dosrey external jinn ko bahir sey system unit key saath mun-sa-lik kya jata hai. Jo amoman serial port par lagtey hain aik modem card yani Internal modem card hota hai.

RAM or Random Excess Memory

Random excess memory ya ram aik aisi memory hai jo iss waqat tak data ko sambhal sakti hai jub tak iss ko current milta rehta hai. Johein current milna band hota hai issi waqat iss par mojood tamam data tehlil hojata hai. Jub computer par kaam horaha hota hai to iss tamam arsaa main honey wala tamam kaam RAM par store kya jata hai. Jub kisi program sey save command keyzarye computer ko ye data store karney keyley kaha jata hai to ye data RAM par sey kissi storage device (job bhi target hogee) par store hojaye gaa.
Iss key ilawa RAM ka kaam aik bridge ki tarha hai. Yaani ye do tarfa toor par data ko sambhal leti hai. Jub kisi storage device par store data ko Riverview kya jata hai to bhi ye data RAM par he load hota hai aur printing key amal main bhi kissi device ko data farahim karti hai.

Display Card

Display card system unit ka aik eham hisaa hai. Issi ki badolat hamian screen par wo tamam aamaal nazar aatain hain jo system unit seranjaam dairaha hota hai kyun keysystem unit aur monitor key darmyaan display card hee wo rabta hai jo monitor par tamaam cheezain zahir karta hai. Display card 3 tarha key hotain hain. ISA, PCI aur AGP. Display cards ki apni memory bhi hoti hai. Iss waqat market main 64 MB memory key saath display card dastiyaab hain.
Baaz Motherboard aisey hain jinn main display card built-in hota hai wo bhi inhe tareekoon par kam karta hai jis par dosrey display kam kartain hain lekin ye manufacturingkey doraan Motherboard par aik chip ki surat main laga-diyaa jaata hai. Jinn Motherboard par built-in displaycard nahi hota inn mai alag sey card lagana parta hai. Mazkorah baala 3 iksaam ki slot key hawaley sey hain jinn par ye lagaye jataey hain. Baaz Motherboards jinn main ye built-in hota hai, inn main ye board key opper he iss tarha laga hota hai key isski port ya display card ka wo hissa jis par monitor ki data cable lagti hai khud-ba-khud casing key back panel main fit hojata hai baaz main iss ko back panel tak pohunchaney key liye extention isstamal hoti hai.

Hard Disk

Hard Disk ka bunyaadi kam data ko store karma hai. Aik waqat aisa bhi thaa jub hard disk ka koe tasaver na tha aur floppy keyzarye boot kya jaata tha. Iss key bad job hi program estamal karna hota tha is ki disk lijati thee. Sub sey pehley 20MB ki hard disk aayen to tehel-ka mach gayaa. Aaj hardisks ki taadad ka ye aalam hai key 20GB sey ziada capacity ki disks aam istamal horahe hain. Computer main storage ki astadad naapney ka pemana byte hai. Byte baazabtey khud 8 bits ka majmuaa hai aur ye aik huruf, hindsey, aalamat ya aik khali space key baraber hai. Kisi bhi disk ki data sambhalney ki ehalyaat ko issi pemaaney sey jaana jata hai.Aam metric system key baraks jiss main aik kilo sey muraad 1000 hai, computer data main kilo sey muraad 1024 hai. iss lehaaz sey jo paimana baney gaa wo iss tarha hogaa.

8 bits =1 byte1024 bits =1 kilo byte (KB)1024 byts = 1 mega byte (MB)1024mega bytes = 1 gega bytes (GB)1024 gega bytes = 1 tetra byte (TB)

Hard disckon ki tadad ka andazaa aik mamoli missal sey lagaya ja sakta hai. 1.44 mega byte ki aik floppy kay ander 1509949 huraf, alamatain ya hindsey aasaktey hain. 20 gega byte ki aik hard disk kay andar ktney huraf aasaktey hain iss ka andazaa yon kya jasakta hai key aik mega byte main 1048576 bites hotain hain inn ko doo martaba 1024 sey aur phir hasil zarab ko 20 sey zarab dey kar daikh lain jo tadad hasil hogee wo 21990232555520 hia.

Hard disck ki iss tadad ka taluk iss key zahiree hajam sey nahi hain yaani 20 gega byte ki hard disk itni he jisamat ki hogee jitni jisamat 120 mega bytes isstadad ki hamil hard disk ki hosakti hai halankey iss tadad key lehaaz sey wo iss sey secro gunaa bari hai.

Parts of Computer

Ek multimedia machine key under jo chezain darker hoti hain inn key jumla wazahati naam hum zail main dai rahain hain. Inn key illawa bhi kayee izafi cheezain mukhtalif kamoon key lye hoti hain lekin inn ka zikar alag sey karain gay. Fill hal jub aap ek machine bananey ki baat karain gay to iss main darjazail cheezon ko shamil karain gay. Inn cheezon sey ek mukamal machine tyaar ho jaye gee.
Motherboard
Processor
Random Access Memory ya (RAM)
Display Card
Hard Disk
Floppy Drive
CD-ROM-Drive
Sound Card
Fax modem Card
Casing ya dosarey lafzoon main wo dabaa jis main ye tamaam cheezain laga-e jati hain. Iss main power supply bhi lage hoti hai.

Motherboard

Iss ko motherboard iss lye kaha jata hai keytamam ki tamam Devices ya to bara-e-rast iss par lage hoti hain ya phir iss key sath connect hoti hain. Motherboard jo aaj kal key jaded computers key ley aa rahy hain inn main cash ram hoti hain. Processor key lye Socket ya Slot hoti hain. (Slot main lagney key lye processor card ki shakal ka hota hai. Aur iss socket main lagney key lye PPGA processor isstamal kye jatain hain) iss key illawa motherboard key upper ram key liye slots hoti hain jo mukhtalif motherboard main mukhtalif tarha ki hoti hain. Iss ka taluk ram sey hai keyboard par kiss qisim ki ram lagayee jaskti hai. Iss key barey main aagey chal kar ram key tehat malum karain gay.
Inn sub cheezon key ilawa iss main izaafi slots hoti hain jin main (AGP aur PCI, ISA) slots shamil hain. Inn par mukhtalif kisim key card lagay jatain hain. Aagey digar cheezon zikar main aap ko pata chal jaye gaa key konsi cheez kis slot par lagti hai.
Motherboard ki sub sey ehaum cheez iss ka bios hai. Bios dar-a-sal basic input output system ka mukhafaf hai. Ye computer ko chalaney main bunyaadi kirdar ada karti hai. Jaisaa key naam sey zahir hai iss main tamaam cheezon ka record hota hai ke hard disckon si lage hai floppy drive kis kisim ki lagee hoe hai waghera. Iss setting ko tamam waqat mehfooz rakhney key liye iss ko battery sey current farahum kya jata hai. Ye battery sath sath charge hoti rehti hai aur ye jub bilkul jwawab dey jati hai to computer ka paigham aaja ta hai key battery full ho ga-e hai. Iss surat main bios main jo aap ney setting ki hoti hai wo bhi khatam hojati hai aur har dafa computer ko on karney par tamam setting dobara sey karney key zarorat hoti hai.
Market main kuch aisey motherboard bhi hain jin par ka-e tarha key card built-in surat main aatain hain. Jaisey key sound card, display card aur baaz main modem aur LAN card bhi built-in hotain hain. Jub aap market Sir way karain gay to aap ko pata chal jaye gaa kon sey motherboard main kon saa card built-in hai.

Processor

Processor ka kaam Data ko process kar-na hai. Jo koi data input devices ki madad sey computer ko diya jata hai e ski processing ka kam kar key ye moniter per es ka nateja zahir kar deta hai. Es key elawa ye data ko process kar key Output device ko bhejta hai. Iss ko aap computer ka dimagh keh saktey hain. Yahi wo markazi cheez hai jis par computer ki bunyaad hai aur yahi asal main central processing unit hai. Ye motherboard par lagaya jata hai. Pantium 1 series tak key processor kuch iss shakal main ho-tain hain key inn ki aik satah to humwar aur dosri sataha par aik khass tarteeb key sath bohut si pins nazar aati hain. Jin ko motherboard par bani socket main lagaya jaata hai. Ye 7 socket key naam sey bhi jani jati hai. Iss ko thanda rakh ney key liye iss key sath aik cooling fan bhi laga ya jata hai.
Pentium 2 aur 3 key processor card ki shakal main aatain hain. Jub key Pentium 3 main aam riwayati pins waley processor bhi market main dastyaab hain jin ki pins main Pentium 1 ki nisbat tadad main farak hota hai inn key sath heat sinkers lagey hotain hain aur cooling fan bhi laga-ye jatain hain jo inn ko thanda rakhtain hain. Card ki shakal key processor motherboard Slot main laga-ye jatain hain jub key pins waley processor motherboard par aik socket par lag-ey hotey hain. Iss socket ko socket 70 kaha jata hai.
Processor ki astaadad kaar Megahertz aur Gigahertz main naapi jaati hai. Pentium 1 ka aaghaz 100 Megahertz ki speed sey howa. Iss key baad inn main multimedia ki astadad rakhney waley processor aain jin ko (MMX) ka naam diya gaya. Iss series main 133, 166, 200, 233, Megahertz key processor aa chukey hain. Inn processor ko alag current ki zarorat hoti hai jo key motherboard he sey leya jata hai. Saada Pentium 1 ko 3.3 voult current ki zarorat hoti hai jub key MMX processor ko 2.8 voult ki zarorat hoti hai. Iss sey ziada current milney ki surat main inn key jalney ka khatra hota hai. Iss liye jumper setting sey inn key munasib Voltage set karlye jatain hain.
Iss key bad jo processor aain inn ko Pentium 2 ka naam diya gaya. Inn ka agaaz 266 Megahertz sey hota hai. Ye Slot main laga-e janey waley processor hain. Inn main 350, 400, 450 Megahertz speed key processor aa chukey hain.
Iss waqat Pentium 3 ki series chal rahi hai. Iss ka agaaz 450 megahertz sey hoa hai. Ye processor slot ya socket main lagtey hain. Inn main 500, 550, 600, 667, 700, 733, 800, 933 megahertz ki speed key processor aa chukey hain. Pentium 4 abhi market main nayaa nayaa ayaa hai jis ki speed gigahertz sey shoroo hoti hai. Pentium 2 aur Pentium 3 par processor ko alag sey current nahi dya jata balkey ye khud ander main slot ya socket main sey current letain hain ye dar-a-sal palag and play (PNP) Technology key hamil motherboard ki badolat hota hai jo key processor ki clock speed aur es ki zaroorat key Volt khud-ba-khud daikh kar farahum kar daita hai. Processor ki clock speed sey muraad processor ki wo speed jisey hum Megahertz ya gigahertz main naptey hain.
P series key liye iss waqt market main jo motherboard isstamal horahey hain inn main sey chand ek maqbool motherboard darjazal hain
1* 430 Txchipset Pentium MMX
2* CA810 FA
3* DS810 with sound and VGA
4* SR440 Intel Original
5* VC820
6* Intel SE440BX-2with Sound
Pentium ya P series key processor Intel key hain. Iss main aik series Celeron processor ki bhi hain. Inn ka ibteda main zikar iss lye kya gaya hai key Pakistan main iss brand key processor bohut maqbol hoye hain. Iss key sath sath ka-e aur brands key processors bhi market main mil jatain hain jaisey key (AMD) processor hain. Iss main 5K aur 6K key naam sey processor aye hain jo key isstadad kar key lehaaz sey Pii key baraber hain. Yaani ye 500 megahertz speed tak dastiyaab hain. Ye processor bhi PPGA boards par lagaye jatey hain. Yani ye bhi pins waley processor hain.
AMD processor main jaded-tareen processor Athlon series main aayee hain. Inn ke speed ka agaaz 600 megahertz sey hota hai aur inn main 650, 700, 750, 800, 850, 900, 950 megahertz speed key processor dastiyaab hain. Iss key ilawa jaded-tareen processor jis ki speed gigahertz sey shoroo hoti hai bhi market main aachukey hain. Inn ko thanda rakhney key lye bhi het senker aur cooling fan isstamal hotay hain. Inn processors key liye iss waqt market main jo motherboard isstamal horahey hain inn main sey kuch darjazail hain.
GA-5AX Gigabyte Motherboard
GA-SMM Gigabyte Motherboard
Iss key ilawa Acrop, Octek, MSI aur DSC jaissi company key bhi inter aur dosri Companies key liye processor key liye motherboard market main dastiyaab hain.

Speakers

Sound out put key lye bhi koe device darker hota hai. Iss key lye Speaker isstamal hotain hain. Ye head phone ki soorat main bhi hosaktain hain aur baaqa-e-da Speaker bhi hosktain hain. Inn ko out put divice main shumar keya jaskta hai kyun key ye bhi aik qisim ka out put daitain hain.
Aaj key jaded oprating system khud apney mukhtalif afaal key liye ka-e tarhaa keysound effect rakhtain hain. Inn ki mojoodgee main agar aap inn ko shanakhat karsaktey hain to, screen par tawaja na honey ki surat main bhi aap jan saktain hain key kya kuch horaha hai. Issi tarha voice mail aur real time audio vedio communication ki waja sey Speaker ka isstamal lazmi hogaya hai. Iss key liye eham-yat key lehaaz sey iss out put device ko nazar andaaz nahi kya jaskta. Speaker ko zahir hai Sound card par laga ya jata hai.
Input aur out put device key iss mukhtasar taaruf key baad hum wapis system unit ki taraf chaltay hain. Yahi wo hisaa hai jisey aap markazi hisaa keh saktey hain. Issi main tamam device lagaye jatain hain aur issi hisey ki asambling ki jaati hai. Upper hum ney jin cheezon ka zikar kya hai wo sub ki sub halat iss halat main aati hain key bus aap inn ko PC key saath laagana hi hota hai. Koe Speaker ya monitor aap asamble nahi kartain balkey ye mukamal unit ki surat main aatey hain. Taa hum inn ki configuration aur settingki jaati hai jiss ka tariqaa hum waqt aaney par aap ko bata dain gay.
Tmaam zarori cheezain jo ek computer ki tashkeel karti hain central processing unit main hi main lagi hoti hain. Iss key illawa hard disck jayessi storage device bhi iss key under lagti hai. Iss full multimedia ya machine main jo zarori samaan lagta hai agley page main hum is ski tafseel dai rahey hain. Iss key illawa ka-e izaafi chezain hain jo mukhtalif zaroraton key paish nazar iss main laga-e jati hain. Inn ka alag sey zikar karain gay. Pehley hum ek multimedia machine key zarori ijzaa aap ko btatain hai.

History of PC and Software

Kya ap samajhte hain key ap samne rakha computer mehez ek itafak se ban gaya? jab ap apne computer ki power on kerte ho to iska processor apna kaam start kerta hai. Ye is kadar taqatwar hai ke bhari bharkum operating system ko lamha bhar me load ker leta hai. Is ke graphic card rang brangi aur hangama khez khelein screen per dekhata hai. Is ka web browser dunya me malumat ko chashm-e-zadan screen per dekhata hai .Kya ye tamam chezein khod bakhod ikkhattay ho ker ap ki khidmat me hazir ho gai hai? Tecnology ka ye tal mail bhi itafak hai? jee nahi!bilkul aesa nahi hai. Pechle chand barsoon se baqa-ye-da mansuba bandi ke zarye es bat ka faisla kiya jaraha hai k ek miyari computer me kuch hona chaye.PC ki takhsis ka faisla INTEL aur Microsoft ki sarbrahi mai computer industry ki bari bari companies kerti hai. Ek PC ke leye takhsis (specification) ka aaghaz PC97 se howa. PC ke leye ek miyar teh kerne ka maksad ye tha ke sahe software aur hardware ke imtazaj se aesa PC mutaref keraya jae jo bhar-pur karkerdagi ka muzahira ker sake. 97 mein ki jane wali takhsis me computers ke leye P120 aur P166 processor ka intakhab howa. Ye intakhab kerne wali companies mai Microsoft aur INTEL sar-e-fehrest hain. 1999 ke doran mojoda processor P233 tha. Ab ye dono companies U.S market ke leye PC2001 ka mayar tey ker chuki hai. Is ka final draft may 2000 main release ho chukka hai. Yahan hum jaeza lein gey ke is takhsis me kiya kiya kuch shamil kiya gaya.
PC99 ki takhsis me chand chezoon ko khatam kar dene ki nishan-dahi ki gai thi. Is silsiley mei ISA slot, parallel, series aur games parties hadaf the. 99 ke mayar me in chezon ka ekhtiyari tor per ejazat thi laken ab hone wali takhsis me ye cezein lazmi qarar de di gai hain ke mustaqbil ka PC in ports ke elawa ps/2 ports say bhi mubar-ra hoga. Is tarha purane floppy drivers controller ko bhi khatam kr deya jaye ga. Muta-ba-dil taja-wez ATAPI ki bunyad per bane wali driver ki hai jese supper disk driver aur aese drivers jin ki bunyad USB per hai. Dosri tarafye bhi mayar aissa hai ke preferable devices ko naye conectors key sath laya jae ga. Jis ka sidha sadha matlab ye hai k agle saal ap jo chez kharede gaye inhe purane computer ke sath milana mumken nai hoga ta-hum aisay adopter aaney ka imkan zaror mojood hai jo USB se serial/parallel ke leye rabte ka kaam ker sake gayen. Graphic ke hawale se mayar bohat buland rakha gaya hai. Ek video device ke leye zarori qrar daya gaya hai ke wo dohre buffer ki do jehti 2D screen aur 32bit color me kam se kam display 1024x768 ho jab ke 3D ke leye kam az kam display 16 bit color ke humrah 16 bit z-buffer krar di gai. Ye bhi kaha ja raha hai ke P.C kam az kam 6mega bit rim aur directX se mutabikat rakhne wale display ke sath aye ge. Audio ke miyar ko bhi behter banane ki sa-ei ki gai. Tamam computer lazmi tor per 1KHz.44 aur 48 kilo hertz sound play karnay ke ae-hel hon ge aur is ki tamam device full duplex hon gay is se murad ye hai ke computer input aur output ko back waqt sambhal sake ga. Es hawale se wazahat ki gye hai ke tamaam system kuch makhsos alaat se lays hon ge jese microphone khas tor per is waqt jab ke awaz ko samajhne wale programe istamal hon ge to in chezon ki zarorat barh jaye gi. Mustaqbil ke computers ke hawale se sab se aeham bat ye hai ke ise easy PC ka naam diya gaya hai. Es mei istamal kananda ke leye pehli martaba PC ke setup ko asan banane ke azam ka izhar hai. Es report ke mutala se pata chalta hai ke ek mahir sirf 30min me jab k eek no-amoz 1hour me P.C ka setup kr lay ga aur ek dafa ise rehnumai ki zarorat pare gi.
Easy PC ka bunyadi maksad ye hai ke koi bhi admi mehaz 15min me is ko tyar ker ke chalane ke kabil bana sake. Es silsiley mei her eqdamat ke leye label box diye gaye hain. Qadam ba qadam tasveri andaz me guide kiya gaya hai.mehaz modals ke leye taroon aur connectors ko mukhtalif rang de diye gaye hain.
Ek chez jis ka computer istamal kerne wala intazar ker raha hai aur jo 99 ki takhsis me bhi mojod thi, ye ke istamal kanandah ke leye kam az kam 2 adad USB ports honi chaye. Matlab ye ke ports PC ke samne ki janib ho ta ke istamal-e-kananda ko USB device munsalik kerne me kisi kisim ki perishani na ho jesa ke ab tak chala aata hai ke tamam chezon ke connector computer ki pusht me lagaya jata hai aur baaz awqat chezon ko munsalik kerne me khasi dushwari ka samna kerna perta hai. Es ka matlab ye bhi hai ke mouse aur key board ke elawa 2 adad free USB ports dastiyab honi chaye.
Computer start hote hi pehla amal “power on self test”ka kerta hai jise post kehte hain. new computers ki takhsis me ye bat bhi shamil hain ke post ka doranya kam se kam ho. Naye miyar ke mutabik is ke leye ziyada se ziyada waqt 7 second tey kiya gaya hai. It’s mean computer on honay ke bad sirf 7sec mein post ka amal ker ke operating system load kerna start ker de ga.
Agar aap 2001 ka computer kharidna chahte hain to is silsile me tey hone wale miyar se ba khabar hona zorori hai. Es ki tafsil kuch yon hai.

Standard PC

C.P.U 667 mega Hz speed
Ceshea ram 128K bit
Ram 64mega bit
Windows 2000 ke leye, 128 mega bit
Ports 2 USB
Video video play back, DVI
Storage hard drive, CD ya DVD