Floppy Drive

Floppy drive computer ka lazmi hisaa tasaver hota hai. Lekin ab kuch arsaa sey inn ki ehamyat kam ho-rahe hai. Iss sey shoruu main aam toor par data aik jagha sey dosri jagha muntaqeel karney ka kam lya ja ta ha lekin ab inn sey data muntaqeel karma bhi mumkin nahi hai kun key aj ki multimedia dunya main agar kisi picture ko aik jagha sey dosri jagha copy karna chahain gey to picture ki aik file key lye hosakta hai darjan bhar Floppy’s ki zarorat parey . Aik standardfloppy disk ki isstadad 1.44 mega byte hoti hai. Jo key size main 3.5 inch hoti hai. Iss sey pehley 5025 inch ki floppy’s hoti rahi hain jinn ki isstadad 1.2 mega byte hoti thee. Inn key liye jo driver isstamal hoti thee iss ka size bhi bara hota thaa jitna size aaj kal CD room driver ka hai taqreeban itna size hota tha.

Floppy ka dosra maqsad jis ney aaj tak ussey bacha-ye rakha thaa wo ye key iss sey system disk ya jisey huroof aam main boot able disk kehtain hain banaye jati thee. Iss key zarye system main kisi kharabi ki surat main computer ko boot karney ka kam liya jata thaa. Lekin naye operating system aaney sey ye kam bhi khatam hogaya windows millennium addition aur windows 2000 main sey dos ko mu-kam-mal toor par kharej kar dya gaya hai. Ab inn dono operating systems main dos mod nahe hai. Agarcha iss maincommand permot hai aur issey excess main shamil kya gaya hai es ki madad sey dos environment main chalney waley program chalaye ja saktey hain lekin chand dos program aisey hain jo mohiz command permot key zarye nahe chaltay. Inn key lye dos mod main jana zarori hota hai. Aisey programs ki mu-kam-mal toor par chuti hogaye hai. Chun-key inn operating systems main dos key tamam function nikaal diye gaye hain iss liye computer ki dunya main aaney waloon key lye dos ki commands yaad kar-na zarori nahi hai. Iss cheez ko sakht tanqeed ka nishana banya gaya hai kyun key ab tak aisey programs ki aik bari tadad mojood hai jin key liye dos mod zarori hai. Inn programs main dosri kamzori ye hai key aap boot able disk nahi bana saktey. Windows Me main standard boot able floppy isstamal na karsakney ki waja ya hai key remover hojaney wali devices key lye SYS command ko na-qa-bil-e-amal bana diya gaya hai. Ab system files sirf hard disk par transfer ki jasakti hain. Windows 2000 main boot able disk ka sirey sey koe tasaver he nahi hai.

Inn cheezon ko dikhtey hoye kaha ja-sakta hai key mustaqbil key computer floppy drive sey bey nyaaz hon gey. Iss key mutabadil key toor par zip drives isstamal ki jaskti hain jis key media ka size bhi 3.5 inch hota hai lekin ye floppy sey taqreeban soo guna ziada isstadad ki hamil hoti hai. Maazi main jo kaam floppy sey lya jata thaa ab wahi kaam zip sey lya jasakey gaa. Floppy drives key mukamal toor par khatma ki aik aur waja ye bhi hai key pehley Software inn key upper distribute keye jatain thain iss key liye aaj CD room isstamal hoti hai jo zip drive sey bhi 6,7 gunaa ziada istadad ki hamil hoti hai. Aik myaari 3.5 flopy drive hai.

CD-ROM Drive

CD rom drives aaj ki zarorat hain. Iss ko aik PC ka lazmi hisa tasaver kya jata hai. Iss ki waja ye hai key aaj kal tamam software CD par aa-rahey hain. Iss key elaawa musicsuney aur movies daikhney key lye bhi yahi media isstamal horaha hai. Aik CD 650 mega byte isstadad ki hamil hoti hai. CD key sath rom yaani red only memory key alfaz lagaye jaatey hain. Lekin astal-han ye baat ghalat hogayee hai kyun key CD writer bhi aam mil jatey hain aur aisa media yaani CDS disk bhi aisi hain jin par hard disk ya floppy disk ki taraha bar bar data likha aur mitaya jaskta hai. Inn ki iss khoobi ki badolat inn ki badolat inn ki maqbooliyat main bohut ziada izafa hoa hai. Aam disks yaani hard disk aur floppy disk key bar-aks jin main aik electromagnetic red / write head isstamal hota thaa CD key liye laser technology

Sound Card

Sound card ka taluq zahir si baat hai Soundkey saath hai. Agar kisi PC key zarye sound files play karma hoto iss main sound card lagana zaroori hota hai. sound card key baghair sound play nahi hota. Baaz motherboard aisey hain jin main sound Built-in hota hai yaani board key upper he sound card bhi laga hota hai aur alag sey inn main sound card laganey ki zarorat nahi hoti. Lekin jin motherboard par sound card Built-in nahi hota inn main sound card lagana zarori hota hai. sound card ka kaam digital signals ko sound views main tabdeel kar key normal speacker sey sunana hai. Sound recording key liye bhi sound card hi use hota hai.

Fax Modem Card

Internet aaj ka maqbool tareen media hai. Information technology ki aslaah aaj children’s ki zubaan par hai. Huraf ‘E’ iss keyliye makhsus hogaya hai. E-mail, E-commerce, E- banking, internet shoping jaisey kaam shoro hochukey hain. Internet sey connect honey key liye PC key under aik fax modem card jesey baaz awoqat sirf modem he kaha jata hai nehayat zarori hai. Modem ka kaam A-D ya D-A hota hai yaani ye Analog signal ko digital code aur digital code ko analog signals main tabdil karta hai. Modem ka rabta internet ki dunya sey phoneline key zarye hota hai. Ye computer data ko telephone lines key zarye dunya key kisi bhi Country bheja jaskta hai aur data wasool bhi karskta hai. Agar aap internet isstamal karma chahtey hain to aap key liye modem zarori hoga.Baaz motherboards aesey hain jinn par built-in modem nahi hota inn main alag sey modem lagana parta hai. Modem do tarha key hain. Aik external jo key system unit key under he board par lagaye jatey hain yaani inn ko laganey key lye ISA ya PCI Slit isstamal hoti hain aur dosrey external jinn ko bahir sey system unit key saath mun-sa-lik kya jata hai. Jo amoman serial port par lagtey hain aik modem card yani Internal modem card hota hai.

RAM or Random Excess Memory

Random excess memory ya ram aik aisi memory hai jo iss waqat tak data ko sambhal sakti hai jub tak iss ko current milta rehta hai. Johein current milna band hota hai issi waqat iss par mojood tamam data tehlil hojata hai. Jub computer par kaam horaha hota hai to iss tamam arsaa main honey wala tamam kaam RAM par store kya jata hai. Jub kisi program sey save command keyzarye computer ko ye data store karney keyley kaha jata hai to ye data RAM par sey kissi storage device (job bhi target hogee) par store hojaye gaa.
Iss key ilawa RAM ka kaam aik bridge ki tarha hai. Yaani ye do tarfa toor par data ko sambhal leti hai. Jub kisi storage device par store data ko Riverview kya jata hai to bhi ye data RAM par he load hota hai aur printing key amal main bhi kissi device ko data farahim karti hai.

Display Card

Display card system unit ka aik eham hisaa hai. Issi ki badolat hamian screen par wo tamam aamaal nazar aatain hain jo system unit seranjaam dairaha hota hai kyun keysystem unit aur monitor key darmyaan display card hee wo rabta hai jo monitor par tamaam cheezain zahir karta hai. Display card 3 tarha key hotain hain. ISA, PCI aur AGP. Display cards ki apni memory bhi hoti hai. Iss waqat market main 64 MB memory key saath display card dastiyaab hain.
Baaz Motherboard aisey hain jinn main display card built-in hota hai wo bhi inhe tareekoon par kam karta hai jis par dosrey display kam kartain hain lekin ye manufacturingkey doraan Motherboard par aik chip ki surat main laga-diyaa jaata hai. Jinn Motherboard par built-in displaycard nahi hota inn mai alag sey card lagana parta hai. Mazkorah baala 3 iksaam ki slot key hawaley sey hain jinn par ye lagaye jataey hain. Baaz Motherboards jinn main ye built-in hota hai, inn main ye board key opper he iss tarha laga hota hai key isski port ya display card ka wo hissa jis par monitor ki data cable lagti hai khud-ba-khud casing key back panel main fit hojata hai baaz main iss ko back panel tak pohunchaney key liye extention isstamal hoti hai.

Hard Disk

Hard Disk ka bunyaadi kam data ko store karma hai. Aik waqat aisa bhi thaa jub hard disk ka koe tasaver na tha aur floppy keyzarye boot kya jaata tha. Iss key bad job hi program estamal karna hota tha is ki disk lijati thee. Sub sey pehley 20MB ki hard disk aayen to tehel-ka mach gayaa. Aaj hardisks ki taadad ka ye aalam hai key 20GB sey ziada capacity ki disks aam istamal horahe hain. Computer main storage ki astadad naapney ka pemana byte hai. Byte baazabtey khud 8 bits ka majmuaa hai aur ye aik huruf, hindsey, aalamat ya aik khali space key baraber hai. Kisi bhi disk ki data sambhalney ki ehalyaat ko issi pemaaney sey jaana jata hai.Aam metric system key baraks jiss main aik kilo sey muraad 1000 hai, computer data main kilo sey muraad 1024 hai. iss lehaaz sey jo paimana baney gaa wo iss tarha hogaa.

8 bits =1 byte1024 bits =1 kilo byte (KB)1024 byts = 1 mega byte (MB)1024mega bytes = 1 gega bytes (GB)1024 gega bytes = 1 tetra byte (TB)

Hard disckon ki tadad ka andazaa aik mamoli missal sey lagaya ja sakta hai. 1.44 mega byte ki aik floppy kay ander 1509949 huraf, alamatain ya hindsey aasaktey hain. 20 gega byte ki aik hard disk kay andar ktney huraf aasaktey hain iss ka andazaa yon kya jasakta hai key aik mega byte main 1048576 bites hotain hain inn ko doo martaba 1024 sey aur phir hasil zarab ko 20 sey zarab dey kar daikh lain jo tadad hasil hogee wo 21990232555520 hia.

Hard disck ki iss tadad ka taluk iss key zahiree hajam sey nahi hain yaani 20 gega byte ki hard disk itni he jisamat ki hogee jitni jisamat 120 mega bytes isstadad ki hamil hard disk ki hosakti hai halankey iss tadad key lehaaz sey wo iss sey secro gunaa bari hai.

Parts of Computer

Ek multimedia machine key under jo chezain darker hoti hain inn key jumla wazahati naam hum zail main dai rahain hain. Inn key illawa bhi kayee izafi cheezain mukhtalif kamoon key lye hoti hain lekin inn ka zikar alag sey karain gay. Fill hal jub aap ek machine bananey ki baat karain gay to iss main darjazail cheezon ko shamil karain gay. Inn cheezon sey ek mukamal machine tyaar ho jaye gee.
Motherboard
Processor
Random Access Memory ya (RAM)
Display Card
Hard Disk
Floppy Drive
CD-ROM-Drive
Sound Card
Fax modem Card
Casing ya dosarey lafzoon main wo dabaa jis main ye tamaam cheezain laga-e jati hain. Iss main power supply bhi lage hoti hai.

Motherboard

Iss ko motherboard iss lye kaha jata hai keytamam ki tamam Devices ya to bara-e-rast iss par lage hoti hain ya phir iss key sath connect hoti hain. Motherboard jo aaj kal key jaded computers key ley aa rahy hain inn main cash ram hoti hain. Processor key lye Socket ya Slot hoti hain. (Slot main lagney key lye processor card ki shakal ka hota hai. Aur iss socket main lagney key lye PPGA processor isstamal kye jatain hain) iss key illawa motherboard key upper ram key liye slots hoti hain jo mukhtalif motherboard main mukhtalif tarha ki hoti hain. Iss ka taluk ram sey hai keyboard par kiss qisim ki ram lagayee jaskti hai. Iss key barey main aagey chal kar ram key tehat malum karain gay.
Inn sub cheezon key ilawa iss main izaafi slots hoti hain jin main (AGP aur PCI, ISA) slots shamil hain. Inn par mukhtalif kisim key card lagay jatain hain. Aagey digar cheezon zikar main aap ko pata chal jaye gaa key konsi cheez kis slot par lagti hai.
Motherboard ki sub sey ehaum cheez iss ka bios hai. Bios dar-a-sal basic input output system ka mukhafaf hai. Ye computer ko chalaney main bunyaadi kirdar ada karti hai. Jaisaa key naam sey zahir hai iss main tamaam cheezon ka record hota hai ke hard disckon si lage hai floppy drive kis kisim ki lagee hoe hai waghera. Iss setting ko tamam waqat mehfooz rakhney key liye iss ko battery sey current farahum kya jata hai. Ye battery sath sath charge hoti rehti hai aur ye jub bilkul jwawab dey jati hai to computer ka paigham aaja ta hai key battery full ho ga-e hai. Iss surat main bios main jo aap ney setting ki hoti hai wo bhi khatam hojati hai aur har dafa computer ko on karney par tamam setting dobara sey karney key zarorat hoti hai.
Market main kuch aisey motherboard bhi hain jin par ka-e tarha key card built-in surat main aatain hain. Jaisey key sound card, display card aur baaz main modem aur LAN card bhi built-in hotain hain. Jub aap market Sir way karain gay to aap ko pata chal jaye gaa kon sey motherboard main kon saa card built-in hai.

Processor

Processor ka kaam Data ko process kar-na hai. Jo koi data input devices ki madad sey computer ko diya jata hai e ski processing ka kam kar key ye moniter per es ka nateja zahir kar deta hai. Es key elawa ye data ko process kar key Output device ko bhejta hai. Iss ko aap computer ka dimagh keh saktey hain. Yahi wo markazi cheez hai jis par computer ki bunyaad hai aur yahi asal main central processing unit hai. Ye motherboard par lagaya jata hai. Pantium 1 series tak key processor kuch iss shakal main ho-tain hain key inn ki aik satah to humwar aur dosri sataha par aik khass tarteeb key sath bohut si pins nazar aati hain. Jin ko motherboard par bani socket main lagaya jaata hai. Ye 7 socket key naam sey bhi jani jati hai. Iss ko thanda rakh ney key liye iss key sath aik cooling fan bhi laga ya jata hai.
Pentium 2 aur 3 key processor card ki shakal main aatain hain. Jub key Pentium 3 main aam riwayati pins waley processor bhi market main dastyaab hain jin ki pins main Pentium 1 ki nisbat tadad main farak hota hai inn key sath heat sinkers lagey hotain hain aur cooling fan bhi laga-ye jatain hain jo inn ko thanda rakhtain hain. Card ki shakal key processor motherboard Slot main laga-ye jatain hain jub key pins waley processor motherboard par aik socket par lag-ey hotey hain. Iss socket ko socket 70 kaha jata hai.
Processor ki astaadad kaar Megahertz aur Gigahertz main naapi jaati hai. Pentium 1 ka aaghaz 100 Megahertz ki speed sey howa. Iss key baad inn main multimedia ki astadad rakhney waley processor aain jin ko (MMX) ka naam diya gaya. Iss series main 133, 166, 200, 233, Megahertz key processor aa chukey hain. Inn processor ko alag current ki zarorat hoti hai jo key motherboard he sey leya jata hai. Saada Pentium 1 ko 3.3 voult current ki zarorat hoti hai jub key MMX processor ko 2.8 voult ki zarorat hoti hai. Iss sey ziada current milney ki surat main inn key jalney ka khatra hota hai. Iss liye jumper setting sey inn key munasib Voltage set karlye jatain hain.
Iss key bad jo processor aain inn ko Pentium 2 ka naam diya gaya. Inn ka agaaz 266 Megahertz sey hota hai. Ye Slot main laga-e janey waley processor hain. Inn main 350, 400, 450 Megahertz speed key processor aa chukey hain.
Iss waqat Pentium 3 ki series chal rahi hai. Iss ka agaaz 450 megahertz sey hoa hai. Ye processor slot ya socket main lagtey hain. Inn main 500, 550, 600, 667, 700, 733, 800, 933 megahertz ki speed key processor aa chukey hain. Pentium 4 abhi market main nayaa nayaa ayaa hai jis ki speed gigahertz sey shoroo hoti hai. Pentium 2 aur Pentium 3 par processor ko alag sey current nahi dya jata balkey ye khud ander main slot ya socket main sey current letain hain ye dar-a-sal palag and play (PNP) Technology key hamil motherboard ki badolat hota hai jo key processor ki clock speed aur es ki zaroorat key Volt khud-ba-khud daikh kar farahum kar daita hai. Processor ki clock speed sey muraad processor ki wo speed jisey hum Megahertz ya gigahertz main naptey hain.
P series key liye iss waqt market main jo motherboard isstamal horahey hain inn main sey chand ek maqbool motherboard darjazal hain
1* 430 Txchipset Pentium MMX
2* CA810 FA
3* DS810 with sound and VGA
4* SR440 Intel Original
5* VC820
6* Intel SE440BX-2with Sound
Pentium ya P series key processor Intel key hain. Iss main aik series Celeron processor ki bhi hain. Inn ka ibteda main zikar iss lye kya gaya hai key Pakistan main iss brand key processor bohut maqbol hoye hain. Iss key sath sath ka-e aur brands key processors bhi market main mil jatain hain jaisey key (AMD) processor hain. Iss main 5K aur 6K key naam sey processor aye hain jo key isstadad kar key lehaaz sey Pii key baraber hain. Yaani ye 500 megahertz speed tak dastiyaab hain. Ye processor bhi PPGA boards par lagaye jatey hain. Yani ye bhi pins waley processor hain.
AMD processor main jaded-tareen processor Athlon series main aayee hain. Inn ke speed ka agaaz 600 megahertz sey hota hai aur inn main 650, 700, 750, 800, 850, 900, 950 megahertz speed key processor dastiyaab hain. Iss key ilawa jaded-tareen processor jis ki speed gigahertz sey shoroo hoti hai bhi market main aachukey hain. Inn ko thanda rakhney key lye bhi het senker aur cooling fan isstamal hotay hain. Inn processors key liye iss waqt market main jo motherboard isstamal horahey hain inn main sey kuch darjazail hain.
GA-5AX Gigabyte Motherboard
GA-SMM Gigabyte Motherboard
Iss key ilawa Acrop, Octek, MSI aur DSC jaissi company key bhi inter aur dosri Companies key liye processor key liye motherboard market main dastiyaab hain.

Speakers

Sound out put key lye bhi koe device darker hota hai. Iss key lye Speaker isstamal hotain hain. Ye head phone ki soorat main bhi hosaktain hain aur baaqa-e-da Speaker bhi hosktain hain. Inn ko out put divice main shumar keya jaskta hai kyun key ye bhi aik qisim ka out put daitain hain.
Aaj key jaded oprating system khud apney mukhtalif afaal key liye ka-e tarhaa keysound effect rakhtain hain. Inn ki mojoodgee main agar aap inn ko shanakhat karsaktey hain to, screen par tawaja na honey ki surat main bhi aap jan saktain hain key kya kuch horaha hai. Issi tarha voice mail aur real time audio vedio communication ki waja sey Speaker ka isstamal lazmi hogaya hai. Iss key liye eham-yat key lehaaz sey iss out put device ko nazar andaaz nahi kya jaskta. Speaker ko zahir hai Sound card par laga ya jata hai.
Input aur out put device key iss mukhtasar taaruf key baad hum wapis system unit ki taraf chaltay hain. Yahi wo hisaa hai jisey aap markazi hisaa keh saktey hain. Issi main tamam device lagaye jatain hain aur issi hisey ki asambling ki jaati hai. Upper hum ney jin cheezon ka zikar kya hai wo sub ki sub halat iss halat main aati hain key bus aap inn ko PC key saath laagana hi hota hai. Koe Speaker ya monitor aap asamble nahi kartain balkey ye mukamal unit ki surat main aatey hain. Taa hum inn ki configuration aur settingki jaati hai jiss ka tariqaa hum waqt aaney par aap ko bata dain gay.
Tmaam zarori cheezain jo ek computer ki tashkeel karti hain central processing unit main hi main lagi hoti hain. Iss key illawa hard disck jayessi storage device bhi iss key under lagti hai. Iss full multimedia ya machine main jo zarori samaan lagta hai agley page main hum is ski tafseel dai rahey hain. Iss key illawa ka-e izaafi chezain hain jo mukhtalif zaroraton key paish nazar iss main laga-e jati hain. Inn ka alag sey zikar karain gay. Pehley hum ek multimedia machine key zarori ijzaa aap ko btatain hai.

Printers

Output divice main printers ko ehamyt keyhawaley sey dosrey number par rakha jaata hai. Jo kam aap computer par kartain hain agar iss ka natijaa kagazz par chahiye to iss key liye printer zarori hai. Printer bhi ka-ee kisim key hain. Zail main hum inn key barey main aap ko mukhtasar toor par bta rahey hain.

Dot Metrics Printers

Dot Metrics Printers main printing key lye (pins) isstamal hoti hain. Ye pinain zarorat key mutabiq samney lagey riboon par zarab laga kar character ki tashkeel karti hain. Dot mertrics printer agar chaa kam kimat mainaur inn ka printing material bhi arzaan hain lekin inn key kaam karney ki rafter bohut kam hai. Aam daftari isstamal key lye loog ye printer isstamal kartey hain.

Lasser Printer

Aik Lesser Printers ka myaar Dot Metrics keymuqabley main biohut behtar hota hai. Iss ki printing ziada wazey aur khubsoorat hoti hai. Khaas toor par agar graphics printing karni hoto Lesser Printers key zarye behtar andaaz main ki jaskti hai jo key Dot Metrics Printer nahi karskta. Iss ka tasweer photo statemachine sey liya gaya hai. Printing key lye iss main black color ka powder isstamal hota hai jo maknateesi tor par kharij hota jata hai. Yahi powder wo kaghaz par muntaqeel karta hai jisey iss main laga hoa hetar pighla kar pakaa kar daita hai. Powder iss main aik toner ki shakal main dala jata hai jo key printing drum sameet sarba muhaar hota hai iss toner ya cartage ko printer main daala jata hai aur printing ki jaati hai. Iss printing ki rafter bhi bohut ziada hai.
Aik lezeer aik mint main ka-e safhaat print karsakta hai. Safhat ki taadad ka inhaasar printer key model par hai. Lesser Printer black key illawa color printing key lye bhi isstamal hotain hain. Color Lesser Printer ki kimat black printing karney waley Lesser sey kahin ziada hota hai.

Ink Jet Printer

Ink Jet Printers main bhi color aur blackprinting karney waley printer hain bal key aaj kal jo Ink Jet Printer aarahey hain wo dono kismoon ki printing kar laytain hain. Ink main faqat cartage ka farak hota hai. Agar printer main black ink wali cartage isstamal karain gey to ye black Print karey gaa aur color cartage isstamal karain gey to to iss sey color printing bhi ki jaskti hai.
Ink Jet Printer ko aap Dot metrics aur Lesser ki darmyaani kisim keh saktain hain. Yespeed aur quality key lehaaz sey Lesser printer sey kam darja par hain aur dono hawaley sey Dot Metrics sey behtar tasaver hotain hain. Printer aam toor par LPT port par hee lagayee jatey hain. Lekin in ko USB port par bhi lagaya jaskta hai. Ink jet printer ko market main Disk jet key naamoon sey bhi pukaara jata hai.

Digital Camera

Multimedia computers main digital Camera ko bhi input divice key toor par isstamal kya jaskta hai. Humare yahan inn ka isstamal net meeting waghera ky lye kya jata hai. Jeysa key windows bhi net meeting ki sahoolat farahim karta hai jis main aap ki awaaz key sath sath aap ki tasveer bhi mukhatib tak pouhunch jati hai. Issi tarha ager aap key mukhatib ney bhi cameralaga rakha hoga to aap is ski tasveer (picture) bhi apney computer par daikh sakain gay. Digital camera ko aam toor par serial port ya USB port par lagaya jata hai. Kuch camera aaisey hain jin key lye inn ka apna vedio capture card bhi hota hai.

Output Divice

Computer key under data feed karney key lye jo aalat istamal hotey hain inhain inputdivice kehtain hain. Inn ka mukhtasar taaruf upper karaya ja chukka hai. Issi tarha aaisey aalat jin sey data process honey key bad kisi bhi shkal main hasil kya jata hai innhain output divice kehtain hain. Zail main hum inn aalat ka mukhtaser toor par zikar karain gey jinhain aaj hum output key lye isstamal karahin hain

Monitors

Output divice main sub sey zaida ehamiyat monitor ko hoti hai. Issey display bhi kehtain hain aur baaz ouqat osey mohiz screen bhi kaha jata hai. Issey jo bhi naam dain apni ehamyat key lehaz sey ye iss lye doserey divice par fokyat rakhta hai k is ski zaroorat computer sey ziada user ko hoti hai. Isstamal kondah ko issi zarye sey computer key afaal ka pata chalta hai. Jo amal computer key under horaha hota hai iss ka natija motnitor ki screen par he zahir hota hai warna computer ka agr monitor off kar key bhi chala dain gey to issey koe aiteraaz nahi hoga lekin aap nahi jan sakain gey key aap ka computer iss waqt kya karaha hai.
Monitors ki kaaye qismain hain jo iss waqt market main dastyaab hain. Lekin sub sey ziada jo qisim aaj kal maqbull hai iss ko super vedio graphic adapter ya ikhtisaar key sath SVGA kehtain hain. Lekin ye technology bhi ziada arsa dikhae nahi daiti kyun key (LCD) yaani liquid cristal display technology aam horahi hai aur mustaqbil key monitor bila shuba issi technology ki bunyaad par banain gey. Inn ki maqbulyat ki waja ye hai key iss qisim key display jagha kam gher tain hain kyun key inn main picture tube isstamal nahi hoti jis ki waja sey monitor ki lambaa-e choraaye ziada hoti thii. Bal key inn main wahi technology isstamal hoti hai jo calculator ki screen aur digital ghryun ki screen main isstamal hoti hain. Iss qisim key monitor ki choraa-e aik dair inch hoti hai.

Taarikh shid hai key technology ki raftar main kabhi kami nahi aaye ye hamesh aagey hi barhti hai aur insaan maazi key tajurbatr sey faida utha kar hamesha he behtar sey behtar cheezain bananey main koshaan raha hai. Saal 2000 ki world record book main aik aaisa monitor dikhya gaya hai jo key aankh ki putli ki jisamat ka hai. Issey aik head phone ki tarha sir sey sahara dai kar aankh key kareeb laya jata hai aur iss mai display iss tarha nazar aata hai jis tarha key aik bari screen key monitor par nazar aata hai. Iss ki waja yahi hai key hoti hai key ye aankh sey kareeb tar hota hai aur jo cheez aankh sey kareeb tar hoti hai wo bari dikhayee daiti hai.
Iss key ilawa maazi main jo qisimain isstamal hoti rahi hai inn ko mukhtaser toor par aap app key gosh guzar kar daitain hai.

Mono:

ye monitor ki ibtidayee shakal thee iss main sirf aik color he zahir hota thaa. Ye sir text ko zahir karsktey tain iss main graphic ko display karney ki astadad naa thii. Iss main data cable key mail conector main pinoon ki taadad 9 hoti thee.

Mono croom (paper white):

Ye mono sey kadrey behtar tahin aur text key sath asth kisi had tak graphic ko dikhaney key ehal thain. Inn key ley aik file MK file key naam sey hoti thii. Iss excecutable file ki badolat ye graphic wagheera ko behtar toor par dijkhatey tahi. Iss main bhe data cable key mail conector main pinoon ki taadad 9 hoti thii.

EGA:

Ye subaz rang ki screen main aatain tain. Ye bhi mono croom ki tarha thain inn main izafi khubi ye thii ye kisi softwear ki madad key bagheer graphic ko dikha saktey thain.

Color graphic adapter (CGA):

Ye color display thaa. Iss main graphic ko dikhaaya jaskta thaa. Iss ki screen bhi sabz he hoti thee lekin (EGA) jiss main sabaz screen par sirif aik hee yaani suufaid rang zaahir hota thaa, key baraks ye graphic ko digeer kaye Rangoon main bhi zaahir karskta thaa.

Mono Video Graphic Adaptor (MVGA):

ye monitor graphic ki poori tarha spoort karta thaa lekin inn ko sirf black and white hee zahir karskta thaa. Jis tarha key aap ka black and white television hoota hai. Jiss main tasweer key tamam khat wa khal drust andaaz main lekin black and white main zahir hotey thay.

Video Graphic Adapter (VGA):

Ye haqeeq maayenoo main graphic adapter thaa. Iss main color display thaa. Agrchaa ye graphic wagheera ko pori tarha display karney ki ehalyt rakhta thaa lekin is ski resolution ko spoort karskta hai.

Super video graphic adapter (SVGA):

Ye color display series ka sab sey achaa monitor tasawor hota hai. Inn ka refresh rate sab sey ziada hai is ski badolat ye tasveer ko nehayt achaey andaaz main zahir karsktey hain aur inn ki resolution bhi bohut ziada hai.
Aam toor par monitor ko (VGA) card ki port par lagaya jata hai.