Corel Draw 2

Bezier and Artistic Media Tool

Bezier Tool:

Agar aap ko curve line banani ho to Bezier Tool ko select karain aur mouse click karain es ke baad dosre point per mouse click daba kar rakhain aur mouse ko oper ya niche ki taraf jahan bhi aap ko curve chaheye Drag karain aur apni matloba shakal haasil karne ke baad click ko chod dain.

Note: agar aap click daba kar chod dain ge to staright line ban jaye ge.

Artistic Media Tool:

Artistic media tool ki madad se object per ya apni matloba shakal mai Brushes estamal kar ke mukhtalef design bana sakte hain.

Estamaal (Uses):

1. Tool Box mai se Artistic Media Tool pr click karain.

2. Property Bar mai pehley Burshes ke option per click karain aur es ki width batain.

3. Page per mouse pointer laa kar koi bhi shakal banain. To ye aik marker ka kaam kare ga.

4. pher property bar mai se sprayer ke option per click karain aur sprayer ke style ko select karain.

5. Es ko bhi page per mouae drag kar ke estamaal karain.

Note: Es tool ko hum kesi bhi shape maslan rectangle, ellipse waghera per bhi estamaal kar sakte hain. Lekin es ke liye mouse drag karne ki zarorat nahe hai. Object ko select karain aur Brushes ya Sprayer ka koi style es per apply kar dain.

Agar aap khat-ta-ti karna chahte hain to.

1. Property bar mai sy Calligraphic ke option per click karain.

2. Ab aap mouse ke zarye job hi lekhna chahte hain vo likhain.

3. likhne ke baad width aur angle bhi property bar ki madad se tabdeel kar sakte hain.

Dimension Tool

Agar kesi bhi object ki width aur height napni ho aur es ko print mai bhi show karna ho to Dimension Tool ka estamaal keya jata hai.

Estamaal:

1. Aik object banain.

2. Es ko select karain.

3. pher Dimension Tool per click karain.

4. property bar se Horizontal Dimension per click karain aur mouse es object per le kar jain. Object ki line per mouse click kar ke chod dain.

5. Mouse ko chodai mai object ke dosrey kinarey per le kar jain.

6. Object ki line per click karain jahan object khatam ho raha hai vahan per aik dafa click karain. Es ke baad jis taraf aap ko es object ki width likhe hoi chaheye vahan per Double Click karain ta ke vahan per width likhe hoi show ho jaye.

Note: Esi tarha aap property bar mia se vertical dimension per click kar ke object ki height bhe maloom kar sakte hain.

Connector Tool

Agar aap ko kesi aik object ko bohat saare objects se connect karna ho to Connector Tool estamaal karte hain. Es ke madad se Flow Charts vaghera bhi bana sakte hain.

Estamaa (Uses):

1. Koi bhi object bana lain.

2. Es ke baad 2 ya 3 objects aur bana lain.

3. Pehle wale ko es tarha rakhain ke pehla wala object sab-se oper nazar aaye.

4. Es oper wale object ko select karain.

5. Connector tool per click karain.

6. Pehle object ke kesi bhi point per mouse le kar jain wahan aap ko aik chota sa nishan nazar aaye ga.

7. Ab mouse click daba kar rakhain aur dosreyya tesrey object ke oper mouse le kar jain.

8. Object ke kinare wale points mai se kise aik point per click karain jahan connector tool ki nook es object per chipak jaye to aap click chod dain. Ye object pehley wale object se connect ho jaye ga. Aap pehley wale object ko kahin bhi move karain ge to vo dosre object se es ka ta-el-luq dekha ta rahe ga aik line ki shakal mai.

Note: Esi tarha aap jetne bhi object chahain connect kar sakte hain.

Corel Draw 1

Corel Draw design ka software hai jis maihum apni marzi se kisi bhi tarha ki designing kar sakte hai. Maslan, logo designing, visiting card designing, eid card making, pattern making, letter head aur calendar waghera hum apni marzi se bana sakte hain. Corel Draw aik aesa software hai jo Raster aur Vector dono tarha ki graphics ko support karta hai. Graphics do tarha ki hoti hai.

1. Vector

2. Raster

Vector Graphics:

Ye aesi graphics hoti hai jis mai Objects “Dots” ki madad se bante hain aur Dots kisi bhi line ka chote se chota hesa hota hai. Vector Graphics mai tamam objects line ke zarye bante hain aur en objects ki ye sab-se badi khobi hoti hai ke aap en objects ko jo Dots per Base karte hain jetna bhi bada kar-lain objects kharab shakal mai nazar nahe aaye ge.

Raster Graphics:

Ye aesi graphics hoti hai jis mai tasverain to tasverain objects ya text bhe Pixels per base karte hain. Aur pixels kesi bhe tasveer ka chote se chota hisa hota hai matlab zar-ra hota hai. Jis ko agar khecha jaye to aik waqt aaye ga ke eski shakal bigad jaye ge aur tasveer phati hoi nazar aaye ge aur pixels aik aesa zar-ra bhe hai jis mai do se zyada rang hote hain jes ki wajha se es object ka wazan aik vector graphics ke object se bhari hota hai. Rastor Graphics per Corel Draw mai kaam jab kiya jata hai jab humain koi web page banana ho ya tasveeron main color per kaam karna ho ya en mai aesey

Effects dene ho jis se tasveer dekhne mai khobsorat nazar aaye. En graphics mai rango ka bohat khayal rakhna padta hai.

CorelDraw mai bhe dosre software ki tarha page per kaam kiya jata hai. Corel Draw mai Page per kaam karne se peh-le hum page ka size, Type aur Landscape ya Portrait bhe kar-sakte hain. Property Bar mai ja kar. Sab se peh-le hum Tools ka astamal sekhain ge. Humain mukhtalif chezain bana-ne ke liye mukhtalif Tool se kaam karna padta hai jo humain Tool Box main milte hain.

Pick Tool Shape Tool Knife Tool and Eraser Tool

Pick Tool:

Pick Tool ki madad se hum kesi bhe Object, Picture ya Text ko aik jagha se dosri jagha le ja sakte hain. Es tool ki madad se hum kesi bhe cheez ka size chota bada kar sakte hain. Ya pher esey rotate kar sakte hain. Pehley aik object bana kar pick tool pr click karain aur object per mouse lain aur size ko chota bada karain.
Note: “space bar + ctrl” e ski short key hai.

Shape Tool:

Shape tool ka kam kesi bhe object ya text ka shakal tabdel karna hai.

Knife Tool:

Knife tool ki madad se kesi bhe object ya text ko kesi bhi shakal mia kaat sakte hain. Es tool per kaam karne ke leye zarori hai ke hum apni matloba object ko select karain.

Eraser Tool:

Eraser tool ka kaam kesi bhi object ko mitana ho ta hai. Es tool ki shakal aur size mai property bar ke zarye tabdeel bhi kar sakte hain.
Free Transform Tool Zoom Tool and Hand Tool

Free Transform Tool:

Free transform tool kesi bhi object ya text ko rotate karne ke kaam aata hai.

Zoom Tool:

Kesi bhi cheez ko bada kar ke dekhna ho to zoom tool per click karne ke baad mouse click daba kar rakhain aur mouse ko nichey le kar aain ya oper yani es object ke oper zoom tool ki madad se window banain ta ke woe s object ko bada kar ke dekhaye. Kesi bhi object ko select karne ke baad F4 dabane se vo object bada kar ke dekhaye ga. Aur agar object ko apni asal haalat mai vapus laana ho to es ke liye shift button daba kar rakhain aur F4 dabain ta ke vo apni asal haalat mai vapus aa jaye.

Hand Tool:

Hand tool ki madad se page ko ba-a-sani edhar odhar oper niche move karwa sakte hain.

Free Hand Tool:

Agar aap ko apne page main aik sedhe line banani ho to aap tool boox mai se Free Hand Tool per click karain. Es ke baad page per mouse laa kar mouse click daba kar rakhain aur line banain agar aap ko apni marzi ki line banani ho to aik dafa mouse click kar ke chod dain aur mause se aik sedhi line banain.

Connect the Different Connector

Motherboard ko casing key andar nasb karney key baad issey current dainey ka marhala aata hai. Casing key andar aik power supply lagi hoti hai jiss main sey kaafi taa-rain (wire) nikali ga-e hoti hain jiss ki madad sey system unit key mukhtalif hiso ko current diya jata hai. Iss main sey jo connector motherboard par lagta hai wo dosron sey kaafi mukhtalif hai kyun key iss connector key sath sub sey ziada taa-rain (wire) hoti hain. Connector ko ghoor sey daikhain gey to aap aa-sani sey pata chala lain gey key issey motherboard par kahan aur kiss tarha lagana hai.

Ye kabhi galat rukh sey lag hi nahi sakta kyun key is ki sakht he aisi hai key durust simt main he lagaya jasakey gaa. ATX casing main power supply sey nikalney waley connector aur motherboard dono par mush-tarka toor par aik lock sa bana hota hai. Jub connector ko motherboard par lagaya jata hai to ye mazboti sey lock hojata hai.
Casing key front panel sey bhe muktalif taa-rain (wire) nikali ga-e hotin hai jo key motherboard par lagaye jati hain. Inn main power on off button ki cable hai. Iss key ilawa sleep button, Infrared, hard disc LED, re set swich aur speaker ki taa-rain (wire) hoti hain. Front panel par muchk-talif lights key zarye pata chalta hai key system main power aa-ga-e hai..? wagheera. Inn lights ki taa-rain (wire) inhi main shamil hain. Iss key ilawa in main iss button ki taar bhe hai jiss sey power on off ki jati hai aur system ko zarorat parney par restart bhe kya jata hai.

Ye tamam taa-rain (wire) lagana bohut aasan hai. Har tar key aagay baney connector ko motherboard par laganey key liye aap ko tamam alamtain bta-rahe hain taa-key inhain laganey main aap ko koi dushwari paish naa aaye. Aik to har connector key upper barik alfaz main likha hota hai key ye kiss cheez ka connector hai. Dosrey myaari motherboard par jahaan ye connector lagaye jatey hain wahan har cheez ki wazahat ki gaye hoti hai.Motherboard key upper inn connector ko laganey key liye pins bani hoti hain aur in key sath baarik alfaaz main print kiya gaya hota hai key kon si pins par kon sa connector lagana hai. Humarey iss motherboard main aaisa he hai. Taa-hum agar aap koi aisa motherboard jiss key upper in key barey main print nahi kya gaya to bhi koi baat nahi. Kyun key ab takkoi aisa motherboard nahi aaya jiss key sath letrature naa ho. Motherboard key sath aaney waley kitabchaa main laazmi toor par diagram bana diye gaye hotey hain jin par tamam cheezon ki wazahat ki ga-ei hoti hai. Agar aap key motherboard par bhi in cheezon key naam print nahi hain to iss key sath aaney waley kitabchey sey madad ley kar pata chala lain key kon si pins par kon sa conector lagna hai.

Hum shayed pehley bhi bata chukey hain key jub aap hardwear kharidain to tamam cheezon key sath aaney waley letrature ya kitabchey zaroor hasil karain. Iss key ilawa aj kal taqreeban har cheez key driver bhi sath aatey hain. Apney dokandar sey tamam driver bhi talab karain. Inn cheezon ko sambhal kar rakhdain kyun key kayee jagho par inn ki zarorat paish aaskti hai. Motherboard key front penal sey tamam connector matluba jagho par laga kar ache tarha itminaan kar lain.

Connect the RAM

Jiss casing main plate bahir nikal aati hai iss main plate par motherboard ko mount karneykey baad jo akhri cheez plate bahir he rakhtey howy lagaye jaskti hai wo RAM Module hai.

Iss missal main 64 MB ka aik Module isstamal kya jaraha hai aur motherboard par ram key liye teen bank hain. Inn key number balatarteeb 0,1,2 hain. Aam toor par agar aik hee RAM Module isstamal horaha hoto issey pehley bank main lagaya ja-ta hai. Agar tarteeb ka khayal na rakha jaye to baaz motherboard main computer thek tarha sey boat nahi hota. Isslye aadat bana layni chahye key agar aik hee Module hai to issey bank number 0 main hee lagaya jaye.

RAM laganey key bhe wahe asool hain jo processor key tehat bayaan hoye hain. RAM Module main aik taraf pins hongi jin ko slot mian phansaya jata hai. RAM key upper do jagha par kit baney hoye hain. Nechey jo slot hai iss main inn kaati hoe jaghoon key mutabiq ubhaar ya rookawatain bani hoi hain. Inn ko daikh kar ap andaza karsktain hain key RAM ko kis simt main lagana hain. RAM ko laganey key liye banaye janey waley banks ya slots key dono supports bani hoi hain. Processor ki tarha ye na to alag sey aati hain aur na hi motherboard par lagaya jata hai bal-key ye pehley hi sey fix hoti hain. Jab RAM ko slot main betha dya jata hai to dono atraf main lagi hoi ye supports lock hojati hain.

RAM ko bhe laganey main wahee asool mad-e-nazar rakhna zaroori hai jo processor ko laganey mai bataye gaye hain yaani iss ko matwazi andaaz main iss tarha nechey ki simt dabain key dono taraf sey iss par aik jaisa dabao paraey. Kisi bhi taraf ye na to ziada uthi ho aur nahe ziada jhoki hoi hoo. Agar iss ko laganey main ehtiyat na ki jaye to nuqsan honey ka imkaan mojod rehta hai.

RAM ko laganey key baad iss plate ko casing key andar fix karney ki baari aati hai. Iss plate ko casing key andar laganey key liye chand cheezon ka khayal rakhna bohut zarori hai. Aik to ye key motherboard ko plate par isstarha lagaya jata hai key jub iss plate ko dobara casing main lagain to iss ports main jiss ports main mouse, keyboard ports, serialaur parallel shamil hain in ka rukh casing ki pechli janib ho. Ye baat pehley bhe bata-e ja chuki hai key plate ko nikaltey waqt iss bat ka dheeyan rakhain gey key ye kiss rukh lagi hoi thi. Aur iss key hisab sey motherboard ko iss par mount karain gey to kisi kisim ka fikar baaki nahe rahey gaa aur motherboard par processor aur ram laganey key baad jub iss ko wapis casing main laganey lageyain to aankahin band kar key tamam ports ka rukh pusht ki janib kar key laga saktey hain. Casing ki pechli janib in ports key liye pehley he sey jagha bani hoti hai lekin casing main in jaghoon par steel ki plates aar-zi toor par lagai gai hoti hain jinhain ba-asaani thorasa dabao dal kar nikala jaskta hai.
Plate ko essi position par casing kay andar betha kar jiss position par wo nikaley jaaney sey pehley thi paich laga dain ya agar lock hai to lock laga dain. Ab baaki tamam cheezain iss ko casing main laganey key baad lagaaye jain.

Connect the Processor

Motherboard ko plate par mount karne keybad dosra marhala iss main processor laganey ka hai. Jo processor slot main lagaye jate hain (slot main lagaye janey waley processor sirf P2 aur P3 series main aatey hain. Iss main bhi mazeed note kar lain key P2 main sirf slot main lagney waley processor he aaye jub key P3 main PPGA processor bhi das-ta-yaab hain. Slot main lagaye janey waley Processors ka tajurba P2 sey shuroo hoa hai lekin P3 main iss key sath he dosri kisim key processor aagaye) jaisa key humarey iss motherboard ka mamla hai, wahan processor ko support karney key liye yaani sahara dainey key liye do-no janib plastick ki supports lagaye jati hain. Ye supports laganey key liye motherboard key upper surakh baney hotey hain aur inn key liye bhi lock system ikhtyaar kya-gaya ho-ta-hai. Ye supports motherboard key sath he aati hain. Inn ko motherboard par baney surakhoon main lagaya jata hai. Inn supports ko processor slot key do no janib lagayain.

Ye processor P3 Intel hai aur is ki mega hertz speed 500 hai. Iss ko motherboard par iss ki slot main lagana nehayt aasan hai. jo hisaa slot main pahansa ya jata hai iss main pins bani hoti hain jis tarha key mukhtaleef card key nichley hisoo main pins hoti hain. ye pins issi tarha nichley hisey main print hoti hain jiss tarha board par serket print kya gaya hota hai yaani ye pins board sey taangoo ki surat main bahir nikli hoi nahi hoti. Inhain pins key zarye ye motherboard par bani slot sey connect hota hai. Processor main jahan pins hain wahan center sey thorha dain taraf hit ka aik cut laga hota hai. Agar motherboard par bani processor ki slot ko ghor sey daikhain to iss main bhi issi position par aik ubh-ri hoi jagah hogi ya rukaawat si bani hogi. Iss sey pori tarha andaaza hojata haikey motherboard par parocessor ko kis rukh lagana hai. Iss key ilawa aap ko peocessor key sath aik cable bhi nikli hoi dikhaye daigee. Ye darasal processor key fan ki cable hai aur iss ko motherboard par makhsus jagha par lagaya jata hai. Iss cable key zarye processor ka fan current hasil karta hai. Processor par lagaya gaya fan issey thanda rakhney main madad deta hai kun key processor jab apney aamal kar raha hota hai to ye kaafi garmi paida karta hai.

Baaz processor aisey hain jin par fan lagaya jata hai aur baaz par alag sey aap ko khud bhi lagana parta hai. Humarey iss model main processor key upper fan pehley sey mojud hai. Processor ko laganey key liye issey durust simt main rakh kar support main is ki jagha lain jahan par pahnsaya jata hai. Inn supports main bhi aik kisim ka lock system hai. Processor ko durust position main lakar iss tarha dabaya jata hai key is ki pins wala hisaa slot main chala jaye. Jab ye pori tarha slot main beth jaye to atraf ki supports khud ba khud lock hojati hain.

Processor ko lagatey waqt iss ko pakrney ka tareeka ye hai key pankhey key do-no janib iss ko do-no hanthoo sey thaa-main aur iss ko bilkul matwazi andaz main niche ki simt dabain. Iss tarha key dono janib sey iss par aik jaisa dabao parey. Kisi bhi taraf sey ye ziada uthaa hoa ya ziada jhoka hoa na ho. Agar iss ko laganey main ehtyat na ki jaye to nuqsan bhi hoskta hai.

Jub processor ko motherboard par lagaya jaye to is ki fan cable ko board main diye gaye cable conector main lagaya jata hai. Ye fan board par sey current hasil karta hai. Jiss kisim ka processor hum isstamal karahain hain iss ka fan sath he laga hota hai. Jahan takfan ko current dainey ka taluq hai to iss key lye motherboard kaye cable conector banaye gaye hain. Inn main sey jiss par bhi aasani key sath cable pohunch jaye wahan par ye conector laga dain. Iss ko laganey key liye kisi rukh ki wazahut zarori nahi hai kun key inn ki sakht he aisi hai key ye aik he rukh main lag sakey gain.

Processor ko current, motherboard iss processor ka tajzia karney key baad khud hee farahim kardaita hai. Jitney bhi jaded board arahain hain wo khud he processor ki zarorat key mutabiq current adjust kar key issey farhim kar daitey hain aur iss key saath saath is ki clock speed ka tajzia laytey hain. Kuch third parti board aisey hain jiss main processor key currnt aur clock speed kay lye jumper setting karna parti hai ya bios main jaa kar inn key liye current aur clock speed ka intikhab karna parta hai. Inn sub chezon ki tafsil hum bios key tehat dain gey kun key yaahan jo model tyaar karahain hain iss key saath inn cheezon ka koe taluq nahi hai aur motherboard khud he saara kaam karleyta ha.

Casing

Casing sey muraad wo dabaa ya box hai jiss key under computer key tamam ejzaa lagaye jatain hain to ye system unit banta hai. Upper humne jinn cheezoo ka zikar kya hai ye tamam casing key under hi lagaye jatey hain. Casing key under motherboard, floppy drive aur zip drive key illawa much-ta-lif qisim key card laganey key liye jagha bani hoti hain. Iss key ilawa iss key under ek power supply hoti hai jo system unit key tamam ejzaa ko current farahim karti hai.

Casing ki shakal key aitbar sey kaye kismain hain jisey desktop, mini tower aur full tower waghera. Desktop casing main banaye gaye system unit ko aam toor par monitor key nechey rakha jata hai.

No-e-yeat key aaitbar sey casing ki do kismain AT aur ATX hain. Inn dono kismoo ki shakal main to farak nahi hota balkey power supply key conectors main faraq hota hai. ATX casing main auto power off ka future hota hai. Yaani usey start karney key liye to on / off button stamal hota hai lekin band karney key liye iss button ki zarorat nahi hoti balkey window shut down honey par ye khud band hojati hai.

Inn cheezon key mukhtasar taruf key bad ab hum tyaar hain ki aik computer ko asambal karney ka kaam shuroo karsakey. Jis cheezon ki mukamal wazahat yahan nahi hosaki inn ki wazahat agey asambal key waqt hojaye gee. 

Assembling with Slot Processor

Computer ko assemble karne sey pehley iss key mukhtaleef ejzaa key bare main faisla karne ki zarorat hoti hai. Maslan aap ko ye faisla karma pareyga key iss main aap kon sa processor lagana chahtey hain. Motherboard kiss company aur kiss model ka ho. Digar cards ki tafseel tay karna hogee aur sab sey e-ham baat ye key jiss casing main ye sb kuch lagana chahtain hain wo kiss tarha ki hogee. Jub aik PC ka tamam zarori saman ikhata kar lain gey to chezain kharydtey waqt ye etminan karlain key dukandar ney taman cheezon key driver aur inn cheezon key saath aaney waley menuals yaani kitabachey ya letrature aap ko dai dya hai. Ye cheezain iss qadar eham hain key kbhi kbhi aik driver key lye masla khara hojata hai. Inn ki zarorat aap ko kisi bhi waqt parsakti hai.

Assembling karney sey pehley chand zarori baatain note karlain.

1- computer ko Assemble karney key lye behtar mahool to aik computer labortary he meyaiser aaskta hai. Taahum agar aisi saholat meyesar na ho to kam az kam aisey intezamaat zaror karlyni chahye key lab ki tarha mahool ban jaye.

2- sub sey bunyadi zarorat aik bari table hai. Iss ka size kam az kam itna zaror ho key aap asani kay sath ess par tamam cheezain rakh sakain.

3- screw drivers (jihain uraaf aam main paich-kas kaha jata hai) ka set jismain har tarha key aur har size key screw drivers mojood hon. Lekin agar aik phlips screw driver jisey amoman char muu ka screw drivers kehtain hain aur flate screw drivers bhi hoto aap kaam chalasktain hai.

4- Aik adad pilaas agar long nose aur aam, dono tarha kay pass hon to behtar hain.